Blogaren artxiboa
Zientziastea 2014
Azaroaren 6tik 8ra
Bilbo, Gasteiz eta Donostiak ZIENTZIASTEAren edizio berri bat ospatuko dute aurten ere. Adin guztietako jendeari zuzendutako ekimen handi honetan, haurrentzako tailerrak, zientzia ikuskizunak, hitzaldiak, txangoak, bisitaldi gidatuak eta beste jarduera asko aurkituko dituzu. Seguru zirrara sorraraziko dizutela eta zugan zientziaren eta teknologiaren inguruko jakin-mina sortzea lortuko dutela.
Haurtzaro ikastolatik, beste behin ere, Azaroaren 7rako, ostirala arratsalderako, autobusa antolatu da. Hala DBHko ikasleek, nahi duenak noski, Donostian antolatu den karpara bisita egiterik izango duzue. Adi zuen irakasleen azalpenei!
Izena emateko klik egin irudian
Teoriako mugetatik harantz
Naroa del Río Muguerza
DBH2.A
Liburuetako formuletako mugak gainditu eta irakasleak klaseetan ulertzen laguntzen digunaren aplikazio errealak ikusteak ilusioz betetzen gaitu zientziaren bidea jarraitu nahi dugun ikasleoi. Ikasten ditugun esaldi eta zenbakiek jarraipena dutela ikusi dugu, gure liburuxkak imajina ezin dezakedan sakontasuna duten kontzeptuen oinarria direla eta guztia naturako fenomenoak eredutzat hartuz, ikusitakoa giza arrazoimenak prozesatu eta formuletan numeralizatu eta materializatu ondoren gure beharrak asetzeko zein gure jakin min mugagabea elikatzeko erabiltzen dela.
Kimika, matematika, natur zientziak eta teknologiako alor ezberdinak dastatzeko aukera eduki genuen.
Topatutako lehen gunean gure gorputza eta osasunari buruzko ideiak aurkeztu zizkiguten. Zenbait galdera egin ondoren, bankuetako, kontu korronteetako zifrak “deszifratzen” ikasi genuen. Hainbat robot eta ordenagailu ikusi eta gero, robotika gunera joan ginen. Bertan, jostailuzko roboten eta egitazko roboten ezberdintasunak argitu eta robot batek agurra nola dantzatzen zuen erakutsi ziguten. Hamar minuturo antolatzaileak “aldaketa” esan ostean, gunez aldatzen ginen.Hurrengo gunea oso ezberdina izan zen, buruarekin gauzak nola kontrolatzen ziren azaldu ziguten, eta hainbat proba egin genituen. Jarraian zetorren gunean mediku gisa aritu ginen, odola nola ateratzen zen eta ekintza horrek eragindako sentsazioak simulatuz. Azkeneko geldialdira iritsitakoan, kamarek nola funtzionatzen zuten esplikatu eta hauen aplikazio ezberdinak erakutsi zizkiguten. Gure zientzia asteari amaiera emateko, heliozko globo batzuk eskatu genituen, eta gure ahotsaren doinua nola aldatzen zen esperimentatu ahal izan genuen.
Amaitzeko, azpimarratu nahiko nuke oso esperientzia atsegina izan zela irakasleak eta maila ezberdinetako ikasleak klaseetatik kanpo talde bakar moduan Buen Pastor katedralaren ondoan zientziaren alde dibertigarrienak ukitu eta hain serioa dirudienarekin jolasteko aukera izan genuen, eduki genitzakeen beldurrak desagertu eta motibazioengatik ordezkatuz.
ZIENTZIASTEA 2012
Azaroaren 7tik 11ra
Bilbo, Gasteiz eta Donostiak ZIENTZIASTEAren edizio berri bat ospatuko dute aurten ere. Adin guztietako jendeari zuzendutako ekimen handi honetan, haurrentzako tailerrak, zientzia ikuskizunak, hitzaldiak, txangoak, bisitaldi gidatuak eta beste jarduera asko aurkituko dituzu. Seguru zirrara sorraraziko dizutela eta zugan zientziaren eta teknologiaren inguruko jakin-mina sortzea lortuko dutela.
Haurtzaro ikastolatik, beste behin ere, Azaroaren 9rako, ostirala arratsalderako, autobusa antolatu da. Hala DBHko ikasleek, nahi duenak noski, Donostian antolatu den karpara bisita egiterik izango duzue. Adi zuen irakasleen azalpenei!
2011 zientzia astea
Azaroaren 11ean, ostirala. Arratsaldez, nahia agertu zuten ikasleekin Donostiko Zientzia Asteko karpara hurbildu ginen. Hona hemen bertan ateratzerik izan nituen hainbat argazki eta bideotxoa.
TeknoZientzia txokoa-Haurtzaro ikastola 